दैलेखको भैरवी गाउँपालिका की अध्यक्ष रिताकुमारी शाही बैंकिङ कसुरसम्बन्धी मुद्दामा पक्राउ परेकी छन् ।
बिज्ञापन
जिल्ला प्रहरी कार्यालय दैलेखले शुक्रबार उनलाई नियन्त्रणमा लिएको जनाएको छ । प्रहरीका अनुसार एक स्थानीय व्यक्तिलाई दिइएको ५ लाख रुपैयाँ बराबरको चेक सटहीका क्रममा बाउन्स भएपछि अध्यक्ष शाहीविरुद्ध उजुरी परेको थियो ।
बिज्ञापन
जिल्ला प्रहरी कार्यालय दैलेखका सूचना अधिकारी तथा प्रहरी निरीक्षक सन्तोष रोकाया ले अध्यक्ष शाहीलाई हिरासतमा राखेर अनुसन्धान प्रक्रिया अघि बढाइएको जानकारी दिएका छन् । अदालतबाट म्याद थप अनुमति प्राप्त भइसकेको र घटनाबारे थप अनुसन्धान जारी रहेको प्रहरीले जनाएको छ ।
नेपाली कांग्रेसबाट निर्वाचित अध्यक्ष शाहीमाथि लागेको आरोपपछि स्थानीय तहको राजनीतिक वृत्तमा समेत चर्चा सुरु भएको छ ।
बिज्ञापन
